منتدى المعهد الفنى الصحى بالاسكندرية

مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه
منتدى المعهد الفنى الصحى بالاسكندرية

............yes we can.............

نريد جميعا ونحلم بتطوير المعهد الفنى الصحى الى كليه العلوم الطبيه التى ترقى الى مستوانا الفكرى فدعونا يدا واحده لتحقيق هذا الحلم

    حصرياا خطوات الحصول على ترخيص مزاولة المهنة لكل شعب المعهد الفنى الصحى

    شاطر
    avatar
    mohamed hosny
    مؤسس المنتدى
    مؤسس المنتدى

    عدد المساهمات : 95
    تاريخ التسجيل : 19/05/2010
    العمر : 25
    الموقع : www.xrays.ibda3.org

    حصرياا خطوات الحصول على ترخيص مزاولة المهنة لكل شعب المعهد الفنى الصحى

    مُساهمة من طرف mohamed hosny في الجمعة 28 أكتوبر - 12:39

    >بسم الله الرحمن الرحيم<

    ..........انا النهارده جايبلكو موضوع مهم جدا لكل طلاب المعهد الفنى الصحى.
    الموضوع هو(خطوات التحضير للحصول على ترخيص مزاولة المهنة).؟


    >>>اولا ....هتروح تجيب استمارة 6 جند من المركز اللى انت تابع ليه ودى بتتطلب ان يكون معاك بطاقتك الشخصيه فقط لا غير ودى صورة ال6 جند.


    >>>ثانيا ....الحصول على موقف التجنيد ودى من مديريه الامن التابعة ليك والاوراق المطلوبة كالتالى:-

    1_البطاقة الشخصيه وصورة منها.
    2_شهادة الميلاد وصورة منها.
    3_المؤهل(بيان النجاح) وصورة منه.
    4_6 جند اللى انت جبتها من المركز بتاعك وصورة منها.

    ودى الصورة بتاعته



    >>>ثالثا.... الحصول على وصل النقابه(نقابه الفنيين الصحيين) ودى ليها فروع فى جميع محافظات الجمهورية والاوراق المطلوبة كالتالى :_

    1_البطاقة الشخصيه وصورة منها.
    2_شهادة الميلاد وصورة منها.
    3_المؤهل(بيان النجاح) وصورة منه.
    4_ المفروض صورة من الفيش بس انا عملتها من غيره بس الموظف اللى هناك قالى ابقى هات الفيش فى اى وقت وانا قلتله اوك ف ده اختيارى اهه والافضل اننا نعمله وناخد منه صورة(طب نعمله ازاى؟؟؟؟) اقلك هتروح المركز التابع ليك وهتقول هنااك انك عاوز تعمل الفيش بس ملاحظة لازم تقول انك عاوزه لوزارة الصحة تمام؟؟؟؟
    5_ صورة شخصية.
    6_مبلغ وقدره 110 جنيه فقط لاغير.


    >>>رابعا ....ودى اخر حاجةخلاص كده تمام فاضل انك تروح وزارة الصحة فى القاهرة وتعمل الترخيص والاوراق المطلوبة للحصول على الترخيص كالتالى:_

    1_البطاقة الشخصيه وصورة منها.
    2_شهادة الميلاد وصورة منها.
    3_المؤهل(بيان النجاح) وصورة منه.
    4_استمارة تحديد الموقف من التجنيد وصورة منها.
    5_3 صور شخصية.
    6_وصل النقابه وصوره منه.
    وكمان فيه بعض الفحوصات بالنسبة لبعض الشعب ودى بتتعمل هناك فى احمد عرابى فى عيادة ناصر الشامله وبتروحلها عن طريق المترو ....انا شعبه اشعه
    فطلبو الفحوصات دى(عد دم كامل _ وجلدية _ورمد_وباطنى_قلب وصدر) فقط لا غير ودول ب65 جنيه فقط

    وانت داخل هناك فى الوزارة فى مكان عمل التراخيص الطبيه فى الوزارة هتاخد ودوسيه وخمس دمغات ب10 جنيه ودول هناك موجودين ولما ياخدو منك الورق المطلوب هيطلبو منك 19 جنيه بس كده وهتقعد هناك بعد ما تسلم الورق بتاعك ساعتين ولا حاجة وهتاخد الترخيص بتاعك وهو عبارة عن 3 ورقات وخلى بالك من بياناتك كامله علشان انا لقيتهم حطينلى صورة واحد غيرى بس هو كان شبهى والله كتر خيرهم بصراحة ازا كنت انا ما عارفتش نفسى ووالله كنت همشى وخلاص ودى صورة الترخيص
    ...



    انا اسف للاطاله ولو فيه اى استفسار انا موجود.......

    mady

      الوقت/التاريخ الآن هو الأحد 20 أغسطس - 16:58